Spurningar og svör

Innritun fyrir haustið 2010

Forgangur í ákveðna framhaldsskóla

Ég er í Borgaskóla í Grafarvogi en ég bý (og hef lögheimili ) rétt við Austurbæjarskóla í Reykjavík, hver er minn forgangsskóli?

Svar : Forgangurinn miðast við grunnskólann sem þú útskrifast frá og er því í þínu tilfelli Borgarholtsskóli

Ég er nemandi í 10.bekk í Hlíðaskóla í Reykjavík. Ég bý samt í Grafarholti og var að velta fyrir mér í hvaða skóla ég hef forgang. Hef ég líka forgang í sömu skóla og félagar mínir í Hlíðaskóla þó að ég búi ekki í hverfinu ?

Svar: Forgangurinn miðast við grunnskólann sem þú útskrifast frá og er því í þínu tilfelli Verzlunarskóli Íslands og Menntaskólinn við Hamrahlíð.

Nú hefur verið í umræðunni hvernig innritun í framhaldsskóla 2010 verður. Nú á víst aftur að taka upp hverfisskóla. Ég var því að velta því fyrir mér hvort það væri komið í ljós hvort að Verzló verði hverfisskóli eða ekki? Mér hefur verið sagt að þeir neiti að verða hverfisskóli.

Svar: Verzlunarskóli Íslands á að veita nemendum forgang eins og aðrir framhaldsskólar. Hann á að veita nemendum forgang frá Háteigsskóla, Hlíðaskóla, Hvassaleitisskóla og Réttarholtsskóla.